Buy Makeup Geek products!

Sunday, 8 April 2007

ما طعم دموعك؟

في إحدى لحظات الحزن التي عايشتها... وبينما تشق دموعي طريقها على خدي كما اعتادت ان تفعل كلما أرادت إثبات وجود قانون الجاذبية وتأثيرها عليها.. مرت دمعتان صغيرتان على شفتي فخطر لي أن أتذوقهما بما أننا تعلمنا أنها لابد وأن تكون مالحة.. ففعلت.. لا أعلم لماذا أحسست أن ملوحتها إنما تشاركني مشاعري الجريحة في تلك اللحظة وأشعرتني بالمواساة.. وكأنما أحد ما غيري يحس بما أمر به في تلك اللحيظات بالذات..
فخطر لي أن أسال..
هل تذوقت دموعك..؟
وبم شعرت لحظتها...؟

11 comments:

bassam said...

امممممم...

موضوع غريب ومشوق في نفس الوقت!
هل تذوقت طعم دموعك؟
نعم تذوقتها طعمها مالح كطعم مياه البحر

وبم شعرت؟
شعرت ببعض الغرابه والتعجب

اضيف ايضا على موضوعك المتواضع بعض الاسئلة
متى اخر مره تذوقت فيها دموعك؟
ولماذا ذرفت تلك الدموع الغالية؟؟

A Human Being said...

Very nice post... tashbeh gameel gedan "أحسست أن ملوحتها إنما تشاركني مشاعري الجريحة في تلك اللحظة وأشعرتني بالمواساة"
Mesh enty lwa7dek ely do2tiha, i think all of us did.
"En m3a el 3osr yosr" be sure. Rabek kbeer.
don't tell your GOD how big your problem is, tell your problem how big your GOD is.

Bride To Be said...

العزيز بسام..
اعتز بتواجدك هنا في مساحتي الخاصة.. واشكرك لمتابعتك..
أما بخصوص الأسئلة التي طرحتها.. فآخر مرة تذوقت فيها دموعي كانت لحظات كتابة البوست وهي ذات اللحظة التي دفعتني إلى كتابة تلك الكلمات.. أما لماذا فأنا بنت دلوعة :) أبكي على كل شيء.. ولكن أسوأ حالات بكائي تكون عند احساسي بالظلم.. عندها لا أتمالك نفسي من البكاء أبدا..
تحياتي لمرورك...

ــــــــــــــــــــــــــــــــ

Human Being
Thanx for passing by and nice to meet you :)
Pray for me and may God support us all..
Best Regards

khaled said...

ربنا يصبرك
لحظات الحزن دى بتبقى ممله جدا
وخصوصا لما يكون الانسان لوحده

سندباد said...

?كيف الحال

عااارفه هذا البوست الجميل شفع لك...وإلا كنت خدت علقة على طول غيابك عن الكتابة
:)

شوفي يا ست..أنا كتوم في حزني ,شحيح في دموعي...فقلما تصل دموعي إلى شفتي لأتذوقها..نادرا

لكني في المقابل من النوع الذي يبكي بغزارة و هو في قمة الضحك...ولكي لا أظهر كالطفل بأمسح دموع الفرح على طول..بمجرد خروجها...فعمري ما تذوقتها الصراحة

أوعدك المرة الجاية حأخلي دموعي تنزل..أتذوقها...وأبعث لك النتيجة
:)

أبعد الله عنك شر الحزن

نهارك سعيد

Shower-Mirror said...

هو انا مع ان الكلام عاجبنى ...لكن انا ممنوع من الدخول لانى متجوز ... بس انتى تقدرى تيجى عندى و تقرى المدونات براحتك ....

Bride To Be said...

الاستاذ خالد.. أنست وشرفت ياخويا.. والله انته عارف؟ لولا لحظات الحزن دي ما كناش بنحس بطعم السعادة.. هي بس اللي بتحسسنا بقيمتها عشان بنعرف قد ايه هي غالية لما تغيب عننا... ربنا ما يوريك وحش.. وشكرا على حضورك :)

ـــــــــــــــــــــــــــــــــ


الاسطه سندباد هنا مرة وحدة؟؟ يا اهلا وسهلا ومية مليون مرحبا :) انا بقى كويسة الحمدلله وبتمنى حضرتك تكون بخير وعافية يارب..

بقى يهون عليك تديني علقة :( والله ربنا اعلم بحالي اليومين دول.. جيت من الاجازة بقالي اقل من اسبوعين دلوقتي ولسه مش عارفة ارجع لنظامي السابق.. بس الحمدلله بقى على كل حال...

عارف؟ أنا من غير الدموع كنت انفجرت من زمان.. دي بقت صاحبتي خلاص عشان فاهماني وبتريحني اوي كلما احتجت للراحة.. بس الفرق هنا بين الست والراجل ان احنا بقى عاطفيين وبنعيط بسرعة مش زيكو.. واحيانا عيوني بتدمع من الضحك بس دي حالات نادرة.. وعلميا بيقولوا ان دموع الفرح اقل ملوحة من دموع الحزن بس ما جربتهاش عشان دموع الفرح بتكون خفيفة وما بتنزلش زي دموع الحزن.. مش كانب عملتهالك محاضرة؟ :) انا حسكت خلاص.. وكفاية طلتك علينا دي بالدنيا... شاكرة لك مرورك ومتابعتك..
ربنا ما يوريك حزن يارب..

ــــــــــــــــــــــــــــــــــ

شاور ميرور..
يافندم انا بتشرف بحضرتك وسامحة لك بالتواجد معانا ولو ده انته الداخل وحنا الخارجين.. بيتك ومطرحك.. :)

Noony said...

طبعاً تذوقت طعم دموعي أكتر من مرة...لما باكون بعيط جامد ومش قادرة أوقف نفسي من كتر العياط
ساعتها بس بقدر أتماسك وابطل عياط لأني بحس ان مفيش حاجة تستاهل...ربنا وهبنا بنعمة الدموع عشان تغسل عنينا وأنا بضيعها في الحزن... والدموع دي مش هي اللي بتضيع الحزن...ساعتها بس أهدى وأفتكر إن الحمد لله أنا كويسة أرضى بحالي وأفكر ازاي أطلع الحزن دة في حاجة مفيدة
طعم الدموع اية؟ تقريباً مالح...أصلي مش بابقى مركزة أوي...بعيط بقى
:)

موضوع جميل فعلاً
وابقي تعالي زورينا

نوني

Bride To Be said...

أولا بشكرك على كرت الدعوة الرسمي وأنا ما بحبش أرد الدعوة فحعدي على المدونة بتاعتك ان شاء الله أول ما أخلص الرد ده.. :)

انتي عارفة؟ انا بحس كدا لما دموعي بتنزل إن نفسيتي بتهدا وترتاح.. كأني بنزل المشاعر السلبية مع الدموع وأتخلص منها بالشكل ده..

وهي فعلاً نعمة جميلة أنا مش عارفة لولاها كنت حعمل ايه :)

أنا دلوقتي بتخيل شكلك لو عيطتي المرة الجاية تقومي فاكرة الكلام ودايقة دموعك بوسط العياط :)) ربنا يبعد عنك الأحزان ويلبسك أثواب السعادة يارب..

ayan said...

تصدقوا انى بأكون فى قمة فرحتى لما بأبكى ...بأحس انى بشر وبأستريح بطريقة مش معقولة ..والله بأبقى عاوز اقوم واتنطط لما بأعيط ساعات كده تلاقينى اعيط من غير سبب ...ايه ؟ راجل ما يعيطش ...لأ حأعيط ؟ افتكر اخر مرة عيطت لما والدى فسخ خطوبتى بدون علمى ..بعدها صرت شبح فقط اكل وانام واعمل بدون اى مشاعر بس برضه مسيرى اعيط تانى

Bride Zone said...

الدموع والبكاء وسيلة تنفيس عن مشاعر الحزن والغضب..
لو ما طلعتش يبقى مش حنرتاح..

ايان..
فعلاً الراجل بيعيط زيه زي الست بس بيختار يعيط امتى.. هو ده الفرق..

باباك فسخ الخطوبة ليه؟ يمكن كانت له اسبابه اللي انته ما تعرفهاش.. انا متاكدة ان مافيش اب مش عاوز سعادة ابنه.. بكرة ربنا يعوضك خير..
الف تحية..