Buy Makeup Geek products!

Monday 25 June 2007

ماذا تفعل عندما تشعر بالضجر؟

ملل.. ضيق.. طفش.. كآبة..
كثيراً ما نمر بهذه المشاعر في حياتنا اليومية.. رغم اختلاف الأسباب لكن النتيجة تبقى واحدة.. مشاعر سلبية تعصف بنا من كل جانب..
ولكن ماذا نفعل للتغلب عليها؟
في أحيان كثيرة.. التسوق يكون هو الحل الأمثل لدي.. فعندما أشعر بالضيق تكفيني زيارة واحدة إلى إحدى المجمعات التجارية والتبضع قليلاً منها للقضاء على "الحالة" التي كنت أمر بها في أغلب الأحيان.. هذا إن لم تكن الحالة مستفحلة وبشدة مما قد يقتضي الانتقال إلى حل آخر..
أحياناً يكون قضاء بعض الوقت أمام البحر هو أحد الحلول التي أستخدمها في العلاج.. وأحياناً أخرى أستبدلها بالبكاء على وسادتي الخالية.. وحدها هي تحس بما يخالجني من شعور..
أو أنني أشارك إحدى صديقاتي المقربات بما أمر به من ضيق وألم فأنقل إليها مشاعري عبر الهاتف..
بعض الناس يلجأ إلى الأكل حتى يفرغ طاقته به..
البعض يفضل الإنزواء بعيداً عن الجميع والبعض الآخر يخرج للناس لينسى همومه..

فماذا تفعل أنت عندما تشعر بالضجر أو الكآبة..؟

33 comments:

.:.-=- ELGaZaLy-=-.:. said...

بجرى

لما بحس بكدة بجرى واوى مش بقف

او بطحن نفسى فى الشغل

تعرفى الموضوع عجبنى اوى يعنى حاسة زى جلسة مشاركة مشاعر كدة

تحياتى اليكى

S H A H said...

العزيزة برايد
===============
العتب على النظر, لسة شايف البوست الجميل ده
----------------------------------
انا الطبيعي عندي اكتئاب = اكل و طحن اكل بحس ان حاسة الشبع عندي مش موجود

بس عارفة بركز في الشيكولاتات اكتر عشان فعلا بتفرفش بحسها زي افيونة كدة تعدل المزاج
----------------------
و في المقابل انزل بليل اجري و اتهد على الاخر عشان متخنش بعد الاكل بفترى ده
------------------------
و هلم جرا
موضوع التسوق ده هيبقى شغلانة و مكلف

كل ما ازعل انزل اتبضع مش هخلص

و ربنا يزيدك يا جميل

Bride Zone said...

الغزالي..
فعلا لما بيكون فيه شغل يبقى انغماسك فيه حل ممكن ومفيد عشان مش بيديك وقت تفكر.. بس المشكلة ساعات بتبقى مش قادر تركز عشان تشتغل..

سعيدة ان الموضوع عجبك وابقى ارجع اذا افتكرت حاجة تاني تفيدنا بيها :)

ــــــــــــــــــــــــــــــ

اهلين شهرو :)
خلاص يا عم انت شكلك عجزت خلاص ولازم نجوزك والا :))
فعلا الشوكولاته اهم حاجة عندي لما بقبى متضايقة.. بحس اني بنتقم لنفسي لما باكلها ازاي دي معرفش :)
أما التسوق ده هو اللي بيخليني اخر كل شهر مفلسة عالآخر على كتر ما بنزل السوق وافش خلقي :) بس اعمل ايه هي احسن حاجة ممكن تريحني..


ربنا يبعد الضيق عن الكل يارب

Unknown said...

Hello Bride,


How you doing my dear?
Sorry, but my computer at work doesn’t support Arabic language.


Back to your question and the intrusting topic.

When the negative feeling gets on me, I try to get rid of it by setting alone or sleeping for along while.
Some times I talk about it to my closest friends and they give me all the support I needed
And I get better faster than If I just set alone.
And some other times I just want to drive my car to any where just to forget the problem.


Live just tease us for no reason, but we must fight back and try not to let her play with us.


Anyway why did you choose this topic? Is some thing bothering you my dear??

I hope every thing going fine with you :)
And hope to her happy news from you soon


Smile live is good, just if we know how to live her right

Best regards,

S H A H said...

فشر مين ده اللي عجز, ده انا خلاص صحابي كلهم عندهم 17 و 18 سنة فاضل اذاكر معاهم

و قررت اتجوز واحدة عندها 14 سنة عشان تقدر تستحمل شبابي بعد 10 او 20 سنة

بس مش عارف ادور عليها فين

متهيالي اي مدرسة اعدادي ممكن تفي بالغرض

غمض عينيك said...

الصراحة انا لما بحس اني مكتئب بدور ع الاكل
مدونتك لذيذة يابرايد

تحياتي
محمد سمير

Just a Reader said...

مالك بس يا برايد...زهقانة ولا ايه.. ربنا ميجبش زهق إن شاء الله
أنا لما بحس بكده تلقائي بلاقي معدل نومي زايد عن الطبيعي لوحده فبعرف اللي فيها :)بس بقول للأكتاب أبدا مش هتسيطر عليه ...بمشي كتير ..تسوق ده أساسي طبعا (ده غريزة في البنات تقريبا بغض النظر عن المود:))
بحب اقعد لوحدي ...اسوق العربية في حته فاضية لمسافة طويلة...اروح الجامع
أصلى وأقرأ قرآن وأسأل الله أنه يسمعني آيتين أو كلمتين يهدوني السبيل..بنسى نفسي في الشغل جامد...أحيانا بشغل نفسي بحل مشكلة أي حد تاني ومساعدتة كانت بتفرق معايا أوي وبتخلي حالتي أحسن. ربنا يكرمنا جميعا ويفرج أي كرب وضيق.
تحياتي لك :)

Unknown said...

سلام
اهم اسباب الاكتئاب هو الفراغ ثم الفراغ

Bride Zone said...

أهلين ابو بسمة عاش من شافك :)
شوي وتغني لي الحياة حلوة بس نفهمها :))
هو مووضوع كان ببالي وحبيت اعرف الناس من حولي كيف يتعاملون مع الوضع اللي اظن الكل يمر فيه..
يمكن نتعلم طريقة جديدة ونستفيد :)
حلو انك تلجأ لصاحبك وتفضفض عنده والأحلى انك ترتاح من وجوده معاك..
ابعد عن الوحدة لأنها بس تزيد الكآبة والملل..
شكرا على تفاعلك وردك اللطيف..
الف تحية

ــــــــــــــــــــــــ

بقولك ايه يا شهرو..
ما تاخد وحدة بسادس ابتدائي.. مش احسن برضه تكبروا مع بعض؟
:)

ــــــــــــــــــــــــ

غمض عينك..
خطوة عزيزة..
سعيدة ان مدونتي اعجبتك ابقى مر علينا كل شوية وتابعنا بقى :)
شكرا لمرورك..

ـــــــــــــــــــــــــ

العزيزة جست..
اعجبتني الوسائل اللي بتعمليها للقضاء على الاكتئاب والملل..
احلى وحدة فيهم كانت التسوق :))
يعني الحمدلله في حد زيي بيفش خلقه بالسوق!
أنا ساعات كمان بخرج كده بالعربية وبسوق من غير ما يكون في بالي مكان محدد..
ربنا يحفظك من كل شر ويريح بالنا اجمعين يارب..

ــــــــــــــــــــــــــ

تينا..
خطوة عزيزة..
شكرا على رايك ومرورك
تحياتي
:)

Anonymous said...

باقرأ
باتفرج
بابدل جو مع معارفي و أقرابي

مؤخرا إتعلمت أكتب حبتين هههه

عموما في حالة ضجر باستنجد بالرقائق و الكتابات الإيمانية
الإيمان لما يقوى بيساعد على مزيد من الطمائنينة والإيجابية
في هذا الإطار باستنجد بأشرطة لدكتور صالح الراشد: تتناول تقوية الجانب النفسي من منظور إيماني

وفيه الكتاب الشهير: لا تحزن
على فكرة أنا باهديك هذا الكتاب...هههه شوفتي البكاشة
(:

شكرة على المقال الجميل

وربنا يبعد عنا الضجر ويخلي أيامك سعادة

إمتناني

Unknown said...

أنا بقا بانعزل عن العالم كله
ومابيبقاش ليا نفس للأكل والكلام
يعني بادخل قوقعتي ومابخرجش منها

S H A H said...

برايد

كنت عايز منك طلب صغير
غيري اللون الاسود اللي في البلوج

خليه لون فرايحي كدة

انا حاسس اني داخل عزا

3abdo me7tas said...

والله يا برايد انا بعمل حاجتين إما بقعد لوحدى فى غرفتى واقفل عليا واقعد أعيط إما بقعد مع صديقة ليا على النت واقعد احكى ليها وتخفف عنى يا إما اقعد أكتب واكتب واكتب لغاية ما الحالى دى تروح من عندى

Bride Zone said...

هو الاستاذ سندباد وصل؟
يا دي النور
:)
بص يا عم بالنسبة للكتاب انا قريت جزء منه فعلاً حلو.. بس ما كملتوش واختفى .. راح فين؟ معرفش!

وبعدين اذا كنت مع كل التعبير الجميل ده لسه مبتديء يبقى نعتزل احنا :)

مساءك ورد جوري..

ــــــــــــــــــــــــــــ

فنان فقير..
انست وشرفت :)
هو الانعزال برضه حل لكنه بيخلي المشكلة - من وجهة نظري - تتفاقم لأنك بتفضل تفكر في محيط الفكرة دي ومش بتطلع برى..
شكرا لحضورك..

ـــــــــــــــــــــــــــــ

لا بقى يا شهرو بقولك ايه!
ده اللون الأسود هو
reinovation
بتاعي.. اصل قبليه كان اللون بمبي ومغيرتو من فترة بسيطة عشان الاسود سيد الألوان..
وبعدين مافيش ثيمات حلوة اجيب منين اهو ده احلى حاجة موجودة عندهم :)

الا صحيح.. ليه ما تكتبش الملاحظات دي بالشات بوكس مش احسن؟ :)

ــــــــــــــــــــــــــ

المشكلة يا عبدو اني بحس ان الديفولت بتاعك انك تكون مكتئب معرفش ليه!
يمكن اكون غلطانة..
اتمنى اكون غلطانة..
الدنيا فيها حاجات حلوة كتير بلاش تضيعها عنك بالزعل..


مساء السعادة للجميع :)

Eric Matt said...


قد أصلي

قد أقرأ القرآن

قد أخرج للتمشي على الشاطئ

وكثيرا ما أنام حتى أمل الملل نفسه

تحياتي لك من ماناساس البلد

Bride Zone said...

شكراً على تفاعلك معي يا قروم..

أبعد الله عنك الضيق وأبدل ضيقك سعادة..

3abdo me7tas said...

لا والله يا برايد أنا مش مكتئب ولا حاجه أنا بس كنت مريت بتجربة قاسية شوية والحمد الله إنها جيت على خير وانا دلوقتى احسن بكتير

Mirage said...

انا عن نفسى بدور على اى حد من اصحابى اخرج معاه

:)

Bride Zone said...

عبدو يا محتاس :)

مين فينا ما مرش بتجارب سيئة وصعبة.. بس الشاطر اللي بيطلع منها أقوى من قبل دخوله فها..
ربنا يوفقك..

ـــــــــــــــــــــــــــــ

ميراج..
خطوة عزيزة..
شكراً على مشاركتك :)

Noony said...

برايد..ليكي وحشة كبيييييييييرة أوي بجد

أنا ساعات بتوصل معايا الحالة إني ساعات بفكر إن الطبيعي أبقى متضايقة أو مكتأبة...وغير الطبيعي إني أبقى كويسة ومستريحة
بس غالباً أنا بعمل حاجة من اتنين..يا اما اتكتم ومتكالمش خالص وأقفل على نفسي تماماً لغاية لما أمرض بجد وشاعتها أتلهي في مرضي اللي جه بسبب حالة نفسية مش عضوية
يا إما حاجة تانية بدأت أعملها من بعد وفاة بابا..إني أسأل عن حد يكون عنده مشلكة وأحاول أسمع يمكن ألاقي حد مشكلته أصعب من المشكلة اللي بمر بيها فتهون عليا اللي أنا فيه
وهو على العموم الحالة دي بتاخد وقتها وبتروح لحالها لوحدها
وربنا يستر على عبيده
وربنا ما يجيب أي زعل ولا ضيق ولا حاجة خالص

ازيكي انتي يا قمرة؟
:)
نوني

Bride Zone said...

يختي انتي رحتي فين؟
انا كنت كمان شوية وابلغ المخابرات المصرية عن اختفائك بس الحمدلله جت سليمة اهو..
:)
بجد كنت مفتقداك.. ومش عاوزة انزل بوست جديد قبل ما اشوفك هنا :)

انتي عارفة؟
انا دلوقتي الاكتئاب بقى هو حالة الـ
Default
بتاعتي..والحالات التانية دي بتيجي وبتروح..

يا بنتي ما تيجي ندخل على المسنجر ونقلبها "سوالف".. قولك مش احسن؟ :) وحناخد جست معانا ما تزعليش يا جست انا مفتكراك اهو :)

Just a Reader said...

ربنا يخليكي ليا يا برايد يا جملية :)
بس مين "سوالف" دي؟ بحريني؟؟ مش قادرة أفهمها:)

Bride Zone said...

ههههههههههههههه
جست والله ضحكتني بقوة :)
سوالف كلمة خليجية تعني.. همممممم... تعني سوالف!
بتسموها ايه انتوا.. بالعربي تعالوا نرغي مع بعض :)
واضحة كدة يا عسل؟

Noony said...

أنا معنديش مشاكل بالمرة يا حبي..أنا الميل بتاعي عندي في البروفايل بتاعي
بس ابعتي ميل وأضيف كل الماسنجرات

بجد الفكرة دي كانت تايهة عندي لية!؟

مستنياكي يا قمرة
وياللا يا جاست..ابعتي لي ميل عشان "نسولف" مع بعض

مستنياكم يا قمرات
هههههههههههههههههههههه

only spot said...

الكتئاب عندى يعنى ادفن راسى فى المخده وايها نووووووووووم لحد ميظهرلى صاحب
او انزل اقف امام النيل وابصله واكلمه
او ابص للسما ابكى وجوايا ببقى بناجى ربنا وادعيه
بس الاغلب هو انى بهرب بالنوووووووووم الى بيوصل 20ساعه متواصل

3abdo me7tas said...

احنا هنقلبها بوست تعارف ولا ايه ايه يا نونى ايميلك وايميلها ومش عارف ايميل مين ومين
طيب انا ايميلى موجود فى البلوج بتاعى
حد يحن عليا حتى ولو بحرف
:) :P :D

Bride Zone said...

Noony..
Mission Accomplished :P

ــــــــــــــــــــــــــــــــ

يا ساتر يا اونلي سبوت!
20 ساعة متواصل!
ده انتقام من الذات ده ولا ايه؟
ده حتى الواحد كده يصحى من النوم تعبااااااااان من كتر النوم!!
عموما..
خطوة عزيزة وتشرفنا بالزيارة.. :)

ـــــــــــــــــــــــــــــــ

يا عبدو يابني وانته بيضايقك ايه بس تعارف ولا غيره :)
محنا بنات كلنا في بعضينا بنحب الدردشة :)
مش عاوزين رجالة تيجي معانا اصلها حواديت حريمي اوي :))

S H A H said...

الا صحيح.. ليه ما تكتبش الملاحظات دي بالشات بوكس مش احسن؟ :)
----------------------------
الشات بوكس كل ما اكتب فيها حاجة الكلام بيرجعلي تاني مش عارف ليه, متهيالي انا اللي عندي مشكلة
-----------------------------
وفينك من زمان و فين يومياتك؟



متختفيش كدة

Anonymous said...

انتي هايلة .... ....... وجريئة وجميلة واسلوبك تحفة ، يا ريت نبقي اصحاب ...
ميمي البنوتة
http://mimayaa.blogspot.com/

Anonymous said...

برجاء زيارتي لتعرفي ماذا افعل وقت الضيق والضجر ..
ميمي

تحيايي
http://mimayaa.blogspot.com/

Bride Zone said...

شرفتينا يا ميمي..
شكرا على ذوقك :)
حبقى ازورك ان شاء الله..

تحياتي

Unknown said...

بأكل وأنام
بأضرب كام فيلم كرتون
طبعا انا من فئة العزاب ..الموكوسون فى الأرض ..
مغترب فى السعودية
انطوائى اصلى ..ممكن اقعد يومين فى البيت امام التليفزيون
اصحاب فى الغربة مافيش
ما احبش الشات والدردشة
عازب
ساكن فى الرياض
اذا الحل الوحيد هو الأكل والنوم ؟

Bride Zone said...

ايان..
ليه مافيش اصحاب في الغربة..؟
جمال الغربة في التعرف على ناس مختلفين.. اختلاف ثقافات وعادات.. بتعرفهم عن قرب وتتعرف على حاجات جديدة تتعلم منها الجميل وتترك الوحش..
الأكل والنوم والتلفزيون دي بتعملها بس لما بتكون متضايق ولا حتى عادي..؟ اعترف :)