Buy Makeup Geek products!

Monday, 16 July 2007

تـنـويـه

بعد سلسلة "لماذا لم أتزوج حتى الآن" التي نشرت منها خمس قصص عن محاولات لم تنتهي بالنجاح لأسباب مختلفة.. سواء كان الرفض مني أم من الطرف الآخر... وجدت أن الكثيرين يعتقدون أنني عند نشري لهذه القصص أتكلم عن احباط أو ضيق أو حزن لعدم نجاح هذه القصة أو تلك ويبدأون بمواساتي على فقدان هذه الفرص.. فوددت أن أذكر بأن نقلي لتجاربي الشخصية لا يتعدى كونه عكس لتجارب مرت بها الأخريات ممن يعانين من الظروف ذاتها.. على اختلاف الشخصيات والظروف.. وحتى تكون قرائتكم لهذه القصص سبباً لعدم طرح هذا السؤال المزعج عليهن..
هي محاولة للتغيير.. سواء أنجحت في الوصول إلى مبتغاي أم لم أنجح فإنني حاولت ايصال صوتي إلى من يسمعه.. إن وراء تأخرنا في الزواج قصص عجيبة.. تتسم كل قصة منها بشيء من التفاصيل الشخصية وتنتهي نهاية واحدة..
البعض يعتقد أن هذا التأخير يجعلنا نلغي جميع المعايير التي وضعناها لشريك الحياة لمجرد الارتباط فقط.. ولكنني أقسم بالله على أننا مع تقدمنا بالسن تزداد هذه المعايير قوة لأن الفكر الناضج يصعب عليه تقبل اي شيء لمجرد الزواج..
فأنتم يا من تعتقدون أن وصول الفتاة إلى نهاية العشرينات سيجعلها تقبل بأي كان.. فلتعلموا أنكم جانبتم الصواب.. وأعتقد أنني بهذا سأتوقف عن اكمال هذه السلسلة وأسدل عليها الستار وأبدأ في طرح آخر على صفحات مدونتي..
ودمتم سالمين..

17 comments:

Anonymous said...

هيييييييي هييييييييي
انا بقى المرة دى اللى هعلق اول واحدة
برافو عليكى يابرايد انتى طبعا عندك حق اولا محدش يعرف اية اللى بيحصل ورا الباب بتاع اى بيت
ثانيا مش مطلوب منى انى امشى اقول لكل واحد انى واللة واللة بيتقدملى ناس كتير بس مش بيحصل نصيب ولا مطلوب انى ابرر تأخر جوازى لحد
دى حاجة تخصنى صحيح ان نظرة الناس وكلامهم جارح وبيوجع بس هيا دى طبيعة كل الناس بيحشرو مناخيرهم فى كل حاجة

Bella said...

مجتمعاتنا مجتمعات قاسية للغاية وتتعامل فيما يخص البنات بالذات بمنتهي الجلافة وقلة الذوق بحجة الاطمئنان على البنت

فعندما تظهر في اي تجمعات تجد كل العيون شاخصة تنظر إليها ومن يمصمص شفتيه ومن يبادرها بالسؤال التقليدي هااااا مافيش حاجة في السكة ؟؟
وكأنها مطلوب منها كلما طرق بابها عريس ان تكتب عنه تقرير وتوزعه على المهتمين
او تضع على صدرها عداد يحتسب عدد الخطاب الذي طرقوا الباب

منتهي قلة الذوق من المتطفلين

هذا بخلاف الطريقة السمجة في التعليق المعتاد

طيب ماتقللي طلباتك شوية
وكأن البنت لها قائمة طويلللللللللللة من الطلبات وهذا سبب عدم اكتمال الموضوع

المسألة ومافيها ان لزواج رزق مثله مثل الصحة والعمل والذكاء واي شيئ في حياة الانسان

فلماذا يتغافل الناس عن هذه الحقيقة الهامة

لاحيلة في الرزق

فمهما عملنا لن نرى الا ماكتبه الله لنا وماقسمه لنا

وبخلاف ذلك فلافائدة من الجري والحركات

تحياتي

.:.-=- ELGaZaLy-=-.:. said...

لبعض يعتقد أن هذا التأخير يجعلنا نلغي جميع المعايير التي وضعناها لشريك الحياة لمجرد الارتباط فقط.. ولكنني أقسم بالله على أننا مع تقدمنا بالسن تزداد هذه المعايير قوة لأن الفكر الناضج يصعب عليه تقبل اي شيء لمجرد الزواج..
فأنتم يا من تعتقدون أن وصول الفتاة إلى نهاية العشرينات سيجعلها تقبل بأي كان.. فلتعلموا أنكم جانبتم الصواب.. وأعتقد أنني بهذا سأتوقف عن اكمال هذه السلسلة وأسدل عليها الستار وأبدأ في طرح آخر على صفحات مدونتي..
ودمتم سالمين

---------------------------


بجد هايل يا بيرد ...وعندك حق احنا مجتمع قاسى جداا على الانثى بشكل غبى...

سندباد said...

صباح النور أولا

عارفة! وأنا باقرأ البوست حسيت فيه بنبرة فيها خليط من السأم والضجر, العتاب والتمرد على وضع بيقتل في البنت حاجات كثيرة جميلة نتيجة تخلف المجتمع العربي وقسوته
كلامك ذكرني بأغنية مدحت صالح الحالمة المتمردة:كوكب ثان

رافضك يا زمانى
يا أوانى
يا مكانى
أنا عايز أعيش فى كوكب تانى
فيه عالم تانى
فيه لسه أمانى
فيه الإنسان لسه إنسان
عايش للتانى

برايد بجد إنت بنت عسل..أنا شفت لك تعليق في مدونة أخرى بيموت من الضحك
ينفع يكون خلاصة لكل مقالاتك السابقة
........
أنا بديت ايأس من الموضوع ده خلاص.. تعبت وأنا استنى.. واللي بدوا يخطبوني اليومين دول واحد عنده 45 سنة.. واحد عاوز وحدة يقعدها في البيت.. واحد ما معوش حتى ثانوية عامة.. أنا مش عارفة الناس دي بتتلم علي ازاي..؟ أمال الرجالة القدعان بيروحوا فين؟

ساعات كنت بشك ان العيب فيني بس والله بنت زي الفل الحمدلله.. يبقى الخلل فين..؟ الحمدلله على كل حال..
ادينا عايشين بدون رجالة بلا هم بلا نكد
........

هههه جيبتي المفيد أهو
(:

وخلاصة القول:اللهم اكفني بحلالك عن حرامك واغنني بفضلك عمن سواك

سلامي

Bride Zone said...

Anonymous..
للأسف ما عرفتش انتي مين عشان مش مسجلة اسمك :(
بس شرفتي ونورتي..
انتي عارفة.. لولا الناس الطفيلية اللي بتسال كل شوية دي كنا عشنا بسلام ويمكن ما بقاش التفكير الملح في الزواج بيزعجني.. كده بيحطوا البنت تحت ضغط نفسي كانها قاعدة على قلبهم وعاوزين يخلصوا منها!
والغريب لما شخص غريب بيسالك هو مافيش حد بيتقدملك ولا ايه..!

أشكرك على حضورك عزيزتي..

ـــــــــــــــــــــــــــــ

اختي بيلا..
انتي عارفة المشكلة ايه..؟
البنت ما بتطلعش من دوامة اسئلة الناس ابداً..

والمصيبة بيتدخلوا في حاجات شخصية جداً جداً كأن مجرد تأخر البنت عن الزواج بيديهم الوصاية انهم يكلموها في أي موضوع..
والله كلامك بجد في الصميم.. أعجبني تعليقك جداً..
أشكرك على مرورك..

ـــــــــــــــــــــــــــــــ

مين الغزالي عندنا..؟
يا دي النور يا دي النور :))

عارف ؟ احنا بنلوم المجتمع دايماً على حاجات مش بتعجبنا ويعملها.. وننسى ان المجتمع هو احنا.. انا وانته وجاري وجارك واهلي واهلك..
ليه مش بنكون احنا نواة التغيير في المجتمع ده..؟
اتغير وتتغير وتغير اهلك واغير اهلي وكل واحد بيشتغل في الدائرة اللي حواليه..
ياليت نعملها والله..
ساعات كنت بتمنى لو هدى شعراوي لما تكلمت عن التحرير كان هدفها حاجات زي دي مش الحجاب اللي كان كابت حرية المراة زي ما قالت.. لكن عادات المجتمع البالية اللي مش قادرين نتخلص منها على الرغم من التعليم العالي والتطور اللي وصلنا له..

أشكر مرورك..

ـــــــــــــــــــــــــــــــ

العزيز سندباد..
:)
ده اللي حصلي لما قريت كومنتك..
ابتسامة :)
أنا حتى ناسية الكومنت ده ومش قادرة افتكر كتبته لمين :)

بس والله جد انا مش عارفة الرجالة القدعان بيروحوا فين!

والاشكال دي بتتحدف عليا منين!!

يارب لك الحمد كما ينبغي لجلال وجهك وعظيم سلطانك..
اللهم اكفني بحلالك عن حرامك وأغنني بفضلك عمن سواك..

صباح مشبع بنسيم الخزامى..

S H A H said...

و انا بضم صوتي لصوتك يا برايد

صوت العقل بيقول كدة فعلا

بس منقدرش ننكر الطبيعة الانسانية و الخوف من الوحدة

الوحدة اني افضل وحيد طول عمري

و اكيد كل ما بيتقدم العمر الاوبشن في التنقية بتقل


خلينا نتكلم حتى عن الراجل , و انا عندي 28 هبقى بدلع شوية و اختار دي و دي لا عند ال 36 يدوبك بقى الاقي بنت ترضى بيا, عند ال 40 هيبقى الشعور قاتل بالوحدة

و ميمنعش اني اتمسك برأيي بس هيبقى ليه تمن

و سلام مؤقت يا قمر

و رجعلك تاني

S H A H

فى القلب said...

الهدف سامى جدا
وكله أسمه ونصيب
أتمنى نجاحك فى أى شئ تكتبينه

Noony said...

يا قمر انتي اكتبي اللي انتي عايزاه وفضفضي ..متحطيش في بالك
عيشي حياتك السعيدة
كلنا بنواجه المواقف السخيفة دي...كتييييييييييييييييييييييييير
واللذيذ إن القريب هو اللي بيسأل الأسئلة دي قبل الغريب
أنا بقيت مش برد ولا حاجة ..ولما حد يقولي فلانة أو فلان اتجوز عقبالك....بضحك...ردي بقى كله ضحك وخلاص

أصلي مش هعقد كل شوية أهري في نفسي وهم ولا هم هنا...كبريت دماغي ودورت على نفسي ولقيتني في حاجات تانية كتير والحمد لله
وربنا يرزق...احنا مش هنطير أدينا قاعدين وصابرين ومستنين
وكفاية يا حبي اني اتعرفت عليكي يا قمرة

نصيحة مني ليكي..استمتعي وسيبك من كلام الناس..كله خير والحمد لله على كل حال

ازيكي دلوقتي يا كوكي!؟
:D
نوني

WiLdBiRd said...

ماكنتش عارفة اعلق على اول بوست ولا اخر بوست ليكى

بس اقولت الحق اقول راى فى مكان تشوفيه

عجبتنى جد افكاركوتدوينك لتجاربك الشخصية بالذات فى النقطة دى


لكن مااعتقدش انك لازم تغيرى حاجة انتى بداتيها علشان راى حد فيكى

انتى بداتى هنا بحريتك وكمليها بحريتك

اكيد فى ناس كتير فاهماكى صح

ونفسها تفضل تقرا لك وتقرا لك كتير

كملى وماتبصيش لردود اى حد عليكى

وللحديث بقية
:)

The Groom said...


لا تعليق

:)

تحياتي لك من ماناساس البلد

S H A H said...

تسجيل حضور

وبسلم عليك

سندباد said...

كلنا ترقب للجديد لديك
نريد سماءا من البوح
وشمساً ...
وفستان فرح...

Bride Zone said...

شهرو..
انت رجل.. وباختيارك امتنعت عن الزواج لغاية ما صار عمرك 28.. لكن البنت مش بتقدر تختار إنها تتجوز في الوقت اللي يعجبها لأنها مش بتعرف امتى حتلاقي الشخص المناسب..

بالنسبة لي.. كلما تقدم العمر زاد النضج وزادت المعايير صعوبة.. على عكس ما يعتقد الكثيرون في أن البنت إذا كبرت ممكن ترضى بأي حد لمجرد الزواج لأنها بالعمر ده صارت بتميز يعني ايه زواج وارتباط وصعب ترضى باي حاجة.. خصوصا ان شخصيتها تكون اكتملت والتغيير بعدها حيكون صعب جدا..

شكراً لتواجدك عزيزي.. وأتمنى تلاقي بنت الحلال قريب..

ـــــــــــــــــــــــــــ

في القلب..
شاكرة لك مرورك ويا هلا..

ـــــــــــــــــــــــــــ

يا حبيبتي يا نوني والله كلامك زي العسل..
بس تاني كوكي يا مزمز؟ :)

Bride Zone said...

وايلد بير..
أنا فعلاً بشكرك على كلماتك الرقيقة والمشجعة..
انا فعلا بدأت التدوين هنا باختياري وانهيته باختياري في الموضوع ده بالذات بس ده مش معناه إني حقفل المدونة.. لا أبداً بس حختار حاجة جديدة اكتب فيها ومش حكمل السلسلة خلاص..

شكراً لحضورك مرة تانية وأتمنى أشوف كومنتاتك هنا على طول..

ــــــــــــــــــــــــــــــ

ايه ده يا قروم..
كل ده وفي الآخر لا تعليق؟ :)
طب لا تعليق أنا كمان اهو :)

ـــــــــــــــــــــــــــــــ

شهرو يا شهرو..
ربنا يسعدك يارب..
شعور جميل لما بيكون في حد يشعر بغيابك..
فعلاً بشكرك على تواصلك الحلو ده..

ـــــــــــــــــــــــــــــــ

سندباد..
لا أدري كيف سيكون الجديد.. لم أخطط لشيء محدد..
أعدك أن يكون هناك المزيد من البوح.. وقمراً لأنني أعشق القمر وأكره الشمس..
أما فستان الفرح.. فلا أدري إن كان سيجيب دعوتي له أم لا..

صباح الدانات..

ayan said...

مبدئيا وقبل اى حاجة انا فرحان جدا ومنشكح ومسرور وحفرقع من الفرحة
مرة واحدة كده حاجه للعزاب وكمان ممنوع دخول العوائل
روحى يا شيخة الله يكرمك وينولك اللى فى مرادك
زى ما كرمتينا كده انا كنت فاكر انهم خلاص حيلمونا ويولعوا فينا ( بيقولوا اصل العزاب اس الشرور كلها )

ayan said...

فعلا اسخف حاجه فى مجتمعاتنا انهم مش حاطين حدود ..وكانك مشاع بينهم انت فاكر نفسك مين علشان يبقى لك خصوصيات بس على فكرة دا من اساليب تربيتنا
اعتقد انهم لو ما عملوش كده ما بقوش عرب

Bride Zone said...

هههههههههههههههه ايان..
انته عارف انا قريت التعليق ده أول حاجة وبعدين فهمت السبب.. منته يا عم في الرياض وانا زي ما سمعت ان كل حاجة عندهم للعوائل :)
اهو المكان ده بيتك ومطرحك يا عم متخافش قول اللي عاوزوه ده مننا ولينا مش لغيرنا..

أما بالنسبة لموضوع الخصوصية فعلاً في حاجات تربينا عليها.. انته بالبيت ده فرد من العيلة يبقى اللي يخصك يخصنا كلنا مافيش حاجة لك وحدك.. منطق غريب وجميل في نفس الوقت.. لولا النقطة دي كان زمان كلنا عايشين في بيت واحد زي الأغراب..
اسعدني مرورك جدا ابقى طل علينا مش تقطعنا :)