Buy Makeup Geek products!

Wednesday, 8 August 2007

ماذا بعد الموت؟

صعقت اليوم بخبر وفاة احدى المدونات وتدعى شيماء رغم أنني لا أعرفها شخصياً ولم أزر مدونتها يوماً ما..
كل ما عرفته أنها قريبة من عمري وماتت إثر وعكة صحية أصابتها رحمها الله وغفر لها وأسكنها فسيح جناته..
ذهبت إلى مدونتها.. كل شيء يبدو على ما يرام.. كتاباتها.. تنسيقها.. صورها.. وحتى الموسيقى التي وضعتها هناك لازالت تعمل.. كل شيء يبدو طبيعياً.. مكان مأهول تماماً بالبشر.. ينبض بالحياة.. ولكن من بين التعليقات تعليق شقيقها وإعلانه بخبر وفاتها رحمها الله هو ما يجعل المكان مشبع برائحة الموت..
سرحت لبرهة.. يا ترى.. إن مت هل سأود أن يكون هذا هو الأثر الذي تركته في هذا العالم بعد رحيلي..؟ أم أنني سأود لو أنني لم أكتب هذه الكلمة أو تلك لأنني لازلت اكتسب وزرها حتى بعد وُريت في التراب..؟
تذكرت شطر بيت قرأته كثيراً ولم يعنِ لي الكثير كما اليوم.. "لا تكتب بكفك غير شيء يسرك في القيامة أن تراه".. إنها رسالة تذكرة.. لي ولكم.. جعلني الله وإياكم أصحاب اليمين.. وغفر لموتانا وموتى المسلمين.. آمين.. آمين.. آمين..

15 comments:

Anonymous said...

البقاء للة ربنا يارب يرحمها ويغفرلها
احنا فعلا الدنيا بتاخدنا وبتلهينا كتير بس لازم الانسان يعرف انو مهما بعد ومهما كبر فالاخر ملوش غير مكان واحد مش هيهرب منو ووقتها مش هينفعو غير عملة الطيب
اللهم احسن خاتمتنا يارب العالمين

أمــانــى said...

اول مرة ازور مدونتك وكنت اتمنى ازورها فى ظروف احسن من كده
حتى انا برضو حزنت اوووى عليها ربنا يرحمها ويدخلها فسيح جناته يااااااااارب آمــــــين واموات المســلمين ويرحم الاحياء من هموم الدنيا اللى واخدنا بأستمرار ومش قادرين نبعد عنها علشان نرضى ربنا
ربنا يتولانا برحمته

سندباد said...

أحففها اللهم منك بالرحمـات‎

وأسكنها أفضل الحـجرات‎

بجـوار الصديقات والصالحات

وأعلى لها الدرجـات

وضاعـف الحسنـات‎

وامحوا السيئـات

يارحيم ياحليم

ياكريم

......
أختي الفاضلة شكرا على التذكرة والموعظة
ربنا يجعلها في ميزان حسناتك آمين

لك صالح دعائي

Hadota .. حدوتة said...

السلام عليكم
دى اول زيارة ليا للمدونة
بصراحة البوست مؤثر اوى
انا زيك صدمت فى خبر وفاة شيماء
واتأثرت اوى
وجا فى بالى نفس الكلام اللى جا فى بالك
ان المكان يبدو معمور
وفيه مدونة شغالة كتابة
وكانها هتيجى بكرة تعلق على المدونة
ياااااااااااه شىء صعب اوى


لو تابعتى التعليقات بقى هتعرفى ان شيماء توفت بعد شفاءها من مرضها
وكانت بتعد لرحلة عمرة

يعنى وفاتها مكنتش مرتبطة بمرض ولا بسن

حقيقى الموضوع بيوجع اوى

اللى المفروض نقف عنده كلنا
هل احنا مستعدين للقاء ربنا على سهوة كده
فى لمح البصر ؟؟؟

ودى الحاجة اللى تخلينا نبكى على نفسنا اكتر من مواتا
جزاكى الله كل خير


تحياتى ليكى


وادعو الله ان يغفر لكل اموااات المسلمين
السلام عليكم

S H A H said...

انا لله و ان اليه راجعون

الله يرحمها و يدخلها فسيح جناته ان شاء الله

S H A H said...

برايد

ليكي عندي تاج تعالي استلميه

The Groom said...


اللهم ارحمها وارحم جميع موتى المسلمين

واجعلها مممن قلت فيهم

"تحيتهم يوم يلقونه سلام وأعد لهم أجرا كريما"

تحياتي لك من ماناساس البلد

Bride Zone said...

أنونيمس..
جزاك الله خير.. ربنا يحسن خاتمتنا جميعاً.. متشكرة على مرورك..

ـــــــــــــــــــــــــــ

أماني..
خطوة عزيزة..
بتشرف بمعرفتك يا حبيبتي..
الحياة ماشية واحنا لسه فيها وبنقدر نعمل ونغير حاجات كتير..
ربنا يوفقنا لما يحبه ويرضاه..
شكراً لتواجدك..

ــــــــــــــــــــــــــ

آمين يا سندباد آمين..
شكراً على لطفك..

ــــــــــــــــــــــــــ

حدوتة..
خطوة عزيزة..
عارفة؟
كتير من اللي توفاهم الله بعد مرض اللي حواليهم بيقولوا ان المريض شفناه حالته تحسنت أوي وحتى خرج من المستشفى.. أو قرب يخرج.. وبعد كدة حالته بتدهور فجأة ويكون ده سبب وفاته.. مش عارفة ايه السر في الموضوع ده بس انا سمعته من ناس كتير أوي..
مهما كان السبب فربنا استلم أمانته في الوقت اللي كانت متقرر..
ربنا يحسن خاتمتنا ويغفر لموتانا يارب..
اتشرف بحضرتك وابقي ما تقطعيناش..

ـــــــــــــــــــــــــ

شاه..
انا مش بحب التاجات يابهني لسه كده بس ربنا يسامحك :(

ــــــــــــــــــــــــ

قروم.. آمين آمين آمين..
شكراً لمرورك..

S H A H said...

يعني خلاص ارجع التاج مش ناوية تاخديه يا برايد؟

Just a Reader said...

السلام عليكم ....ازيك يا برايد...وحشتيني :)
ربنا يرحمنا جميعا ويحسن خاتمتنا ويرزق شيماء الجنة ويغعر لها.
عارفة ..فيه على قناة الناس الفضائية يوم الاثنين الساعة 10 برنامج للشيخ محمود المصري اسمه "نعيم القبر" حاولي تتفرجي عليه ...كلام جميل ولأول مرة مخافش من الحديث عن الموت.
ربنا يرزقنا طاعتة وحسن الخاتمة ويرحم موتانا جميعا.

Aardvark EF-111B said...

"تحيتهم يوم يلقونه سلام وأعد لهم أجرا كريما"

و صلى الله على سيدنا محمد و على آله و صحبه أجمعين

شكرا لأنك بلغتنا

hamdool said...

الله يرحمها برحمته

وشكرا ليكي إنك قولتيلنا عنها
علشان نقرا الفاتحه لروحها



thanks alot ..


hamdool/ Kuwait

Noony said...

آمين آمين آمين يا رب العالمين
اللهم اغفر لشيماء وارحمها واعفو عنها وادخلها فسيح جناتك واجمعها مع الانبياء والصديقين والشهداء في الفردوس العلى يا رب العالمين

شكراً يا برايد على التذكرة
جعلها الله في ميزان حساناتك
:)
نهاد

S H A H said...

زعلان منك يا برايد

و لا خدتي التاج و لا سألتي خالص ايه الحكاية؟؟

و مش باينة بقالك فترة؟؟ ان شاء الله يكون الغيبة وراها خير؟


اوعي تكوني اتجوزتي

Bride Zone said...

شاه..
والله مش بحب التاجات ارجوك اعفيني من الكلام ده.. وبلاش زعل ارجوك..
وبعدين تعالا هنا.. بدل لتقول يارب تكوني تجوزتي تقول اوعي..؟ دلوقتي عرفت من اللي رابط بختي :(
خلاص مش بكلمك خالص اهو
:(

ــــــــــــــــــــــــــــــــ

نورتي بيتك ومطرحك يا جست..
بجد بجد وحشتيني يا بنتي.. ايه ده كل ده دلع؟ :)
الحمدلله على السلامة يا جميل..
مش بعرف قناة الناس جديدة دي؟
اذا ما نسيتش المعاد حبقى اتفرج ولو اني مش بحب الكلام ده بيفجعني!
نورتينا يا جميل :)

ـــــــــــــــــــــــــــ

اردفاك..
لا شكر على واجب..
شكرا لحضورك..

ــــــــــــــــــــــــــ

حمدول :)
من الخليجيين القلة اللي زاروا مدونتي..
حياك الله..
ولا تقطعنا..

ـــــــــــــــــــــــــ

حبيبتي نوني..
امين يارب..
شكراً على مرورك ولو انه متاخر كمان شوية كنت حزعل عشان ما جيتيش :)