Buy Makeup Geek products!

Thursday 5 July 2007

لماذا لم أتزوج حتى الآن - 5

الخامس كان شخصاً أعرفه.. ابن الجيران الذي طالما لعبنا معه سوياً في أيام الطفولة.. ولم أكن أحس تجاهه بأكثر من مشاعر الأخوة..
يكبرني بعام واحد فقط.. هاديء.. محبوب.. لكني لم أشعر تجاهه يوماً بأكثر من مشاعر الأخوة..
صحيح أن علاقتنا ببعضنا البعض توقفت منذ سنوات طويلة لكنه لا يزال ابن الجيران.. لا أكثر من ذلك ولا أقل..
أمه امرأة عجوز.. فهو ولدها الصغير.. كانت تحب أمي كثيراً وهذا ما أخبرتها إياه عند خطبتها لي.. أنا أحبكِ كثيراً ولذلك أرغب أن أزوج ابني بإحدى بناتك.. هنا كانت الطامة.. لم تصرح باسم احدانا ولكنني كنت الخيار الوحيد المتاح في ذلك الوقت.. فلم يتبق منا عازبات سواي وأختي الصغرى التي كانت في ذلك الوقت لا تزال طالبة جامعية في بداية المشوار..
جاءت أمي وأخبرتني بما قالته لها الجارة.. أمي لم تكن متحمسة كثيراً للموضوع كون ابن الجيران يعمل في بنك ربوي وهذا يخالف معتقداتنا ومبادئنا التي نعتنقها.. ولكن ما أثارني علاوة على هذه النقطة هو عدم اختيارها لي كشخص.. وإنما اختارت أمي لمحبتها لها..
أذكر أنني قلت لأمي بأنني لست قطعة ملابس تشتريها وإن لم تناسب أختي ألبستني إياها فمن يتزوجني لابد أن يكون مقتنعاً بي أنا..
انتهى الموضوع.. بعد فترة رأيته بالمركز الصحي مع خطيبته يجريان الفحص الطبي لما قبل الزواج.. دعينا لحفل زفافه.. لم أذهب كالعادة.. أصبح الآن لديه طفل.. ولا زلت أراه كأخ لي لا أكثر.. أتمنى له السعادة والتوفيق في حياته.. كما أتمنى أن أجد أنا نصفي الآخر وأسعد معه..

15 comments:

Eric Matt said...


ستجدينه في الوقت المناسب باذن الله

برضو مش من المتاعيس :P

الظاهر انك ظلمتي الرجالة في حكمك رغم ان في منهم صحيح عاهات

عموما ربنا يرزقك بابن الحلال اللي يكرمك ويخليكي أسعد انسانة في الدنيا

تحياتي لك من ماناساس البلد

Unknown said...

ياأختاه

الامل لازال موجود
لكن اللحظة المهمة هي التي باتت في الأفق

التوكل على الله
ومن ثم الصبر هو مفتاح الفرج



بوK

S H A H said...

وبعدين معاكي يا برايد؟؟
كل ما يتقدملك حد وترفضيه يقوممتجوز علىطول و يبقى معاه عروسته و تشوفيه صدفة كدة؟؟

طب ايه اتقدملك انا الاسبوع ده و ارفضيني عشان اتجوز على طول :)))))))

ليه بس الاضراب ده؟

Bride Zone said...

العزيز قروم..
ده متعوس ازاي بقى مش من المتاعيس؟
ده راجل ما بيفرقش معاه اتجوزني ولا اتجوز اختي ولا بنت الجيران يبقى مش متعوس ده؟
متعوس وخايب ربنا يهديه بقى

عالعموم ميرسي اوي على الدعوة الحلوة وسلام مربع للقدعان من البحرين :)

ـــــــــــــــــــــــــــــ

بو خليفة هلا والله :)
تصدق مادري اذا هاللحظة بالذات بتيي ولا لا.. في الأفق ولا موجودة بس في أحلامي اللي أنا عايشة عليها وفي وسطها..
أخاف يوم أقعد وأشوف الواقع وين وأنا وين..
الله كريم..

شكراً على مرورك..

ــــــــــــــــــــــــــــــ

والله يا شهرو انا معتدش فاهمة هو ايه اللي بيحصل معايا بالضبط!
بكون فأل كويس ليهم ووحش ليا انا..
عاوز يعني تتجوز يعني؟ طب ايه اللي بيمنعك؟ لازم تبقى توريني حظي الوحش وتنضم لقائمة المتاعيس عشان تتجوز؟ :)

وبعدين أنا مش شايفة اضراب ولا حاجة.. لسه الشخص المناسب ما جاش..

mariamagdolen new said...

يارب تلاقية
وتكتبلنا المرة الجاية وتقوليلنا لقيتة خلاصصصص

3abdo me7tas said...

برايد انا بجد مش عارف اقولك ايه بس خير ان شاء الله وربنا هيكرمك بالاحسن باذن الله انتى لسه صغيرة يا بنتى لما تبقى توصلى سن 41 ابقى قولى اللى انتى عايزه تقوليه طبعا انا بهزر معاكى يا جميل
بالمناسبة انا شايف انك تقولى الحمد الله على كل شئ
بس

عياش said...

ربنا يارب يرزقك الزوج الصالح وينعم عليك بالذرية الطيبة

Anonymous said...

هو برج العرب النحس ده اللى موقف حال البنات كلها ههههههه بهزر طبع بصى كل شىء قسمة ونصيب ولازم يبقى عندك ايكان بربنا اكتر من كده وبعدين انتى مستعجلة على الجواز ليه منتى قاعدة فى بي ابوكى معززة مكرمة احسن مواحد ياخدك يبهدلك معاه وخصوصا انى شكلك كبيرة فى السن شوية يعنى عديتى 28 انا اعرف بنات اتجوزت وعندها 30 و35 اصبرى وربنا يبعتلك ابن الحلال

Ayyam said...

فيه نقطه مش فاهمها! هل قابلتى هذا الشخص أو تحدثتى معه لكى تحكمى عليه بهذه السرعه؟ لماذا الرفض السريع!...الحياه صعبه ومحتاجه اللى ياخد ويدى مش اللى يطفش بسرعه؟؟!
عروستنا الحلوه: فيها أيه لو خرجتى شويه تغيرى جو بعيد عن الدائره اللى حواليكى...مثلاً فكرى إذاى تقابلى ناس فى حدود العادات والتقاليد طبعاً...مثلاً روحى المكتبه أو نادى للألعاب الرياضيه، ظروف الحياه تغيرت وأكيد إنتى عارفه ده كويس، يعنى الانتظار لمستر رايت أو أبن الحلال ممكن يكون مش هوه ده الحل....نصيحتى أنك لاتنتظرى من يجدك بل عليكى أن تبحثى عنه إيضاً...المسأله مبأتش فى يد الرجل لوحده فقط بل فى يدك أنتى أيضا... فكرى كويس فى تصرفات الأشخاص حتى لو كانت أمور هايفه ،الناس ممكن تتعرف من حاجات صغيره وبسيطه بدل الدخول فى الخطوبه وهموم التعارف الرسمى..الحب مسأله صعبه أهم منها التفاهم والاحترام المتبادل والمشاركه الجاده وليست الشكليه...بإختصار سيبك من الحب ودورى على اللى يفهك وتفهميه الأول...

أطيب تحياتى

Bride Zone said...

أنا كنت كاتبة رد طويل عريض معرفش راح فين!! عالعموم ححاول افتكر الكلام اللي كتبته تاني..

ــــــــــــــــــــــــــــــــــ

مريم الجديدة..
ربنا يرزق الجميع يارب..
خطوة عزيزة.. :)

ـــــــــــــــــــــــــــــــــ

يارب لك الحمد كما ينبغي لجلال وجهك وعظيم سلطانك..
يا عبدو ما تفهمنيش غلط..
انا مش عارفة ليه الناس فاكرة اني كده بتذمر..؟ أنا بكتب الحكايات دي لأنها ممكن تمر بأي بنت بالدنيا.. تقدر تقول مجرد سرد حقائق لا أكثر ولا أقل..
عالعموم أنا بشكرك جداً على المتابعة :)

ـــــــــــــــــــــــــــــــ

عياش..
اسمك أثار لدي شجون قديمة.. بقدر ما أحببت الشخصية التي حملت اسمها..
أتمنى أن يستجيب الله دعائك لي ولسائر شباب المسلمين وشاباتهم..
مرورك أسعدني.. :)

ـــــــــــــــــــــــــــــــ

أنا عارفة برج العرب ولا برج الزفت اللي عمل فينا كده؟
وبعدين بقولك ايه يا كازنوفا.. انا لسه ما دخلتش الـ28 عشان اعديها.. انا متعقدة من نفسي من غير حاجة ما تطينهاش بقى وحياتك :)
صحيح أنا في بيت ابويا معززة ومكرمة بس انا ببص لبعدين.. لما اكبر وابقى وحيدة وعالة على فلان وعلان.. ساعتها الشعور حيكون مصيبة..
شرفتني بحضورك.. :)

ــــــــــــــــــــــــــــــــ

يا أيام باشا..
أنا بعرف الشخص ده بالذات زي ما قلت من أيام طفولتي يعني مش محتاجة أقعد معاه أكثر.. يمكن لو كان جاي خاطبني بالاسم مش عشان أمه وأمي كنت حوافق بشرط تغيير وظيفته.. بس كده لا ماقدرش..
مسألة إني أسعى للتعرف على شاب يناسبني.. دي انا شايفاها صعبة حبتين..
احنا مهما كان بيحكمنا دين وعادات وتقاليد مش كل حاجة ممكن نعملها..
أنا موظفة في مكان مختلط لكن للاسف مش شايفة ولا واحد عليه القيمة.. يا إما متجوز أو صايع ضايع مش وش جواز..
وبعدين عندنا مثل شعبي يقول..
لو جريت جري الوحوش غير رزقك ما تحوش..
يبقى أنا أعمل اللي علي والباقي رزق وتوفيق من رب العالمين..
أنا مش بدور على حب ولا علاقات.. أنا بدور على أسرة أكون أنا أحد أركانها..

سعيدة جداً بمرورك وتعليقك الجميل..
اتمنى اشوفك هنا تاني..
خطوة عزيزة..

Anonymous said...

تبدو حروفك مشبعة بالأنفة وعزة النفس
تذكرني بزمن الحرائر من النساء

لكن, ألم يكن قرارك شيئا ما متسرعا؟
معك أنا الأمر كان فيه شئ من الحرج
لكن ألم يكن بالإمكان أن تجدين لها مخرجا؟
فمثلا أمه وإن لم تحددك بالإسم فهي ربما كانت تعنيك ..أليست الجارة التي تعرف وضعكن تماما؟ ربما خافت من رفضك فعممت الطلب...أظنك أنت أعلم بما حصل

عموما ..اشتدي أزمة انفرجي وإنتظري بشائر الخير إن شاء الله
تذكري أن كل شعاع شمس يبزغ هو شعاع أمل يعدك بمستقبل مشرق

برايد ـ آسف على غيابي عن كلماتك.. ظروف شغل وضغط بعيد عنك
أعول على تفهمك يا باشا

لك جنائن مزهرة على مدى الشوف

كراكيب عادل said...

اول مرة اجي مدونتك

انتي اختي غادة ولا اية

:)

ربنا يوفقك ويسعدك

تحياتي

Bride Zone said...

لك دائماً طلة تميزك عن الآخرين يا سندباد..

لا أعتقد أن الموضوع كان من الممكن أن يستمر..
كان مجرد أخ..

لك أجمل عطر من جنائن الورد الذي اهديتني اياه :)

ـــــــــــــــــــــــــــ

أهلاً عادل..
نتشرف والله بس غادة مين؟ :)
الهدف من المدونة ما كانش فقط كتابة مذكرات على قد ماهو نشر قصص أكيد في بنات غيري مروا فيها.. عشان ما ننسألش السؤال السخيف.. هو انته ليه ما اتجوزتيش لحد دلوقتي؟!

شرفتني بطلتك..

دينا فهمي said...

تحياتي لمعتقداتك ومبادئك (:

Bride Zone said...

امرأة تقول الذي لا يقال..
شرفتيني بزيارتك الجميلة والمفاجأة..
شكراً لتواجدك وتعليقك..